كـيف تـقهرين أخوك .. يلا بنات جاهزين ^_^

كـيف تـقهرين أخوك .. يلا بنات جاهزين ^_^

--------------------------------------------------------------------------------




السلام عليكم ورحمة الله وبركاتــه

/
\

عندي دروس خطيره لا تفوتكم يا بنات

شوفو اللي مقهوره, واللي تبي تنتقم

واللي تبي ترفع ضغط اخوها تتبع

هالخطوات ,وعساكم على القووه

/
نقول بسم الله



*** عند التلفزيون ***

لا صارت فيه مباراه , والاخ متحمس اقطعي هالحماس وشلون؟!
انا اقولك ..

شوفي اذا صار مبقق عويناته وماهو يم احد يعني لو تجيبين صاروخ تفجرينه قدامه مالتفت لك اعرفي انه منسجم ,

هني بس تقومين بشغلج..

وروحي جيبي قطعة قماش وبخاخ للتنظيف واوقفي عند التلفزيون وامسحي الشاشه ولا تعطينه فرصه يشوف زين

لا قال: قومي.
قولي: مب فاضيتلك ابي انظف وامسح

وبعدين روحي ييبي المكنسه واكنسي المكان اللي هو فيه وحاولي من لحظه للحظه تكنسين قدام التلفزيون وغطي عليه.. ولا يهمج احد..

واذا قال: قومي لااصكج على ويهج بالكوب..
قولي :معصي بيجون ضيوف . .

العبي عليه حتى لو مو جايكم احد , والا سوي نفسج جالسه وتذكرتي ان الكيك بالفرن احترق انقزي لين توصلين للفيش واسحبيها بريولج ولا تلتفتين ورااج...


/
\


*** عند النوم ***

لا صار التمساح نايم.. نكدي عليه نومه كيييييييييييف؟!

دخلي عليه باليهال على عيال جيرانكم وصكي الباب عليهم وخليهم يلعبون بغرفته ويناقزون على راسه .. تخبرين اطفالنا احباب الله ههههههه

والا تعالي وهو في سابع نومه وصارخي وخليه يفز من نومه وهو مايدري عن نفسه الا وهو جالس وبكل برود قوليله نبي نطلع..


/
\


*** اذا المزاج صفر ***

اذا شفتيه ماله خلق وموفاضي لا تخافين بالع.. هذي فرصتك تنتقمين منه يعني تحرشي فيه خلي دمج ثقيييييييييل بالمزح

بس انتبهي في هاللحظه راقبي حركات يده لان ممكن يصكج بأي شيء جدامه بويهج ولازم تصيرين مجهزه مفتاح الغرفه.. ماتدرين السالفه يا غالب يا مغلوب ههههههههههه

المهم.. اضحكي على شكله والا على جلسته والا على لبسه .. هو بيقول ترى مب فاضي ليج ذلفي عني , انتي لا تسكتين قوليله واذا ماذلفت شو بتسوي...

عاد هو بيقوم وبوريج وش بيصير على سنع انتي في هالوقت اقضبي اول درجتين توصلج لغرفتج وطلي عليه من فوق وقوليله ههههههههههههاااااي اهم شيء رفعت ضغطك وقومتك من قعدتك...

عادي .. عادي ..


/
\

*** وقت الضرابه ***

يوم ايدق براسج وتبين تتضاربين انتي والتمساح لازم تجهزين نفسج من كل ناحيه:

1/ اللبس: لازم تلبسين بنطلون او ثوب وسيع علشان يسهل الركض


2/ الشعر: لازم تلمينه وتسوين حفله براسج وتحطين انواع الشباصات وانتبهي ولا خصله تنزل منك,

3/ مفتاح الغرفه: جهزيه في الباب من داخل ا..لاحتياط واجب..

وقوليله شنو براسك ..؟

عاد هو هنا بيقولك :هذا اللي براسي طراااااااااااخ الا ومخمس وعطاج اسطار ,

لا تستسلمين عطيه بوكككككك.. على عيونه الثنتين علشان مايشوف الدرق وحطي ريولج..


.
.

وعلى طووووووووول لغرفتج اللي مجهزة مفتاحها من قبل واقفلي على نفسك ..

ويادار مادخلك شر بس نصيحه اقعدي يومين لايشوفك ولا تشوفينه لانه يبي ينتقم منك ..

وبيوريج نجوم الليل في القايله ..

***وفي النهاية***

موفقين ياااااارب

وجربووو وقولو لي وش يصير لكم
ههههههههههههههه


و

لـ كن

مالي دخل اذا صار شي ماشيااااات..

<< ههههههههههه